बाङखे गाँउमा माघेसंक्रान्ति मेला हुने :

पोखरा, २८ पौष । 

स्याङजाको वालिङ ३ बाङखेमा माघे संक्रान्ति मेला हुने भएको छ । वालिङ नगरपालीका अन्र्तगत पर्ने पर्यटकिय सम्झवना बोकेको गाँउ बाङखेमा माघेसंक्रान्ति पर्वको अवसरमा स्थानीय जनहित क्लवले मेलाको आयोजना गर्न लागेको हो । 

माघ १ देखि ७ गते सम्म आयोजना हुने मेलामा सांस्कृतिक कार्यक्रमका साथै खेलकुद प्रतियोगीताहरु आयोजना हुने आयोजकले जनाएको छ । “समानता र सहअस्तित्व बिच युवा एकता, जसले समाजको विकास गर्दछ” भन्ने मुल नाराका साथ आयोजना हुने मेलामा सावीक वडास्तरिय पुरुष भलिबल प्रतियोगीता एवम ख्याति प्राप्त कलाकारहरुको विविध मनोरञ्जनात्मक कार्यक्रम हुने जनाएको छ । 

भलिबल प्रतियोगीता तर्फ विजेताले नगद ४२ हजार, उपविजेताले ३२ हजार र तृतिय हुनेले २२ हजार सहित ट्रफि, मेडल र प्रमाणपत्र प्राप्त गर्नेछन । प्रतियोगीतामा उत्कृष्ट खेलाडि, वेष्ट स्पाइकर, वेष्ट डिफेन्डर, वेष्ट सर्भर, वेष्ट क्विकर र वेष्ट सेटर र वेष्ट ब्लकरले ट्रफि, मेडल र प्रमाणपत्र पाउने खेल संयोजक तुल गुरुङले जानकारी दिए । भलिबल प्रतियोगीतामा सहभागी हुन इच्छुक टिमले माघ १ र २ गते टिम दर्ता गर्न सक्ने उनले बताए । भलिबल प्रतियोगीताका लागि टिम दर्ता शुल्का ४ हजार राखिएको छ । मेलाको सम्पुर्ण तयारी अन्तिम चरण पुगेको बताएको छ । मेलामा ख्याति प्राप्त कलाकारहरुको विविध मनोरञ्जनात्मक कार्यक्रमका साथै गुरुङ समुदायको संस्कृति प्रस्तुत गरिने आयोजकले जनाएको छ । 
गुरुङ समुदायको बसोबास रहेको उक्त गाँउ सिद्धार्थ राजमार्गबाट नजिकै रहेर पनि पिछाडिएको छ । प्रशस्त गुरुङ संस्कार, संस्कृति, परम्परा र प्राकृतिक सौन्दर्यताले भरिपुर्ण रहेर पनि प्रचारप्रसार र प्रवद्र्धन हुन नसक्दा बाङखे गाँउको विकास हुन नसकेको स्थानीयको बुझाई छ । ग्रामिण पर्यटनलाई टेवा पुग्ने उद्देश्यका साथ आयोजना गरिएको मेलालाई सफल बनाउन देश तथा विदेशबाट सहयोग आउने क्रम जारी रहेको आयोजकले बताएको छ । क्लवले वर्षेनी वार्षिक उत्सवको अवसरमा माघेसंक्रान्ति पारेर मेला गर्दै आएको छ ।
 

प्रतिकृया दिनुहोस

बाङखे गाँउमा माघेसंक्रान्ति मेला हुने :

पोखरा, ३ माघ बैदाम तामाङ समाज पोखराद्धारा आयोजित मिस तामाङ पोखराको ट्यालेण्ट तथा प्रिजजिङ राउण्ड माघ ५ गते शनिबार पोखरामा हुने भएको छ ।  ट्यालेण्ट

बाङखे गाँउमा माघेसंक्रान्ति मेला हुने :

पोखरा २ माघ । कास्कीको मादी गाँउपालिका ११ भगवती बजारमा पुस ३० गते बाट लागेको ऐतिहासिक माघे संक्रान्ति मेला माघ २ गते सम्पन्न भएको छ । आन्तरिक पर्यटन

बाङखे गाँउमा माघेसंक्रान्ति मेला हुने :

काठमाण्डौं ।  गायिका सिर्जना कार्कीको स्वरमा ‘कान्छा’ बोलको गितको म्युजिक भिडियो सार्वजनिक भएको छ ।  भिडियोमा गायिका कार्कीसंगै अजिता खड्का ,