आफ्नै भवनबाट, आमा मिलन सहकारीको कारोबार :

पोखरा, ३ पुस । 
आमा मिलन बहुउद्देश्यीय बचत तथा ऋण सहकारी संस्था लिमिटेडले पोखराको नागढुंगाको आफ्नै भवनबाट कारोबार शुरु गरेको छ । स्थापनाको सातौं वर्षगाँठमा सहकारीले आफ्नै भवन बनाएको हो । 
उक्तअवसरमा नयाँ भवनबाट पहिलो पटक सेवा लिने सेवाग्राहीलाई सहकारीले सम्मान ग¥यो । पहिलो सेवाग्राही मिरा तुलाचन, संस्थाकी उपाध्यक्ष निर्मला घिमिरे र खेमबहादुर थापालाई संस्थाले सम्मान गरेको हो । 
पहिलो सेवाग्राही तुलाचनलाई पहिलो चेक सटहीकर्ता, घिमिरेलाई पहिलो बचतकर्ता र थापालाई पहिलो भुक्तानीकर्ताका रुपमा सम्मान संस्थाले सम्मान गरेको हो । संस्थाकी संस्थापक अध्यक्ष ईन्दिरा पौडेलले उनीहरुलाई सम्मान गरेको हो । 
वचतकर्ता सदस्यहरुको वृहत्तर आर्थिक  सामाजिक, साँस्कृतिक विकासमा अभिबृद्धि गर्न, संस्थालाई एक सफल वित्तीय संस्थाको रुपमा परिचित गराउन प्रवन्धक निर्देशक ध्रुवराज पौडेलले बताए । 
पौडेलका अनुसार दिगो रुपमा स्थापित गरी संस्थागत विकास, सदस्यहरुको गतिशील विश्वासिलो र अग्रणी वित्तीय सहकारी संस्थाको रुपमा परिचित गराउने परिकल्पनाअनुसार सहकारी संचालनमा आएको हो । 
पौडेलले भने, ‘सेवाग्राहीबीच विश्वासिलो वित्तीय संस्थाको रुपमा परिचित गर्ने उद्देश्यले सहकारीलाई संचालनमा ल्याएका हौं ।’ 
‘महिला तथा विपन्नको सेवा हो हाम्रो शान, समतामुलक समाज हाम्रो अभियान’ भन्ने मूल नारासहित सहकारी संचालनमा आएको हो । सदस्यहरुलाई नै परिचालन गरी उनीहरुको आर्थिक विकास तथा आत्मनिर्भर बनाउने, उद्योग, कल कारखाना, खुद्रा व्यापार, कृषि व्यवसायलाई टेवा पु¥याई गरिबीमुक्त व्यवसायिक एवं समृद्ध सदस्य बनाउने सहकारीको लक्ष छ । 
सहकार्य, साझेदारीमा सदस्य केन्द्रीत सेवा दिने मान्यता राखेको सहकारीमा हाल महिला सदस्य ५ सय ४४ र पुरुष सदस्य ६३८ गरी ११ सय ८२ जना सदस्यहरु छन् । 
‘अरु सहकारीहरु संस्थाभन्दा हाम्रो सहकारी भिन्न छ,’ प्रवन्ध निर्देशक पौडेलले भने, ‘सदस्यहरु पनि तुलनात्मक रुपमा धेरै हुनुहुन्छ । सदस्यहरुकै देनले हामीहरु यहाँसम्म आइपुग्यौं ।’
सहकारीको कूल वचत १४ करोड, २१ लाख ११ हजार २ सय ५५ ४८ पैसा रहेको पौडेलले जानकारी दिए । जसमध्ये शेयर पुँजी ६ करोड ६० लाख ८ सय र लगानी १८ करोड १९ लाख ३७ हजार ६ सय ७२ रुपैयाँ ८७ पैसा रहेको पौडेलले जनाए । 
सेवाग्राहीले न्युनतम ८ देखि १४ प्रतिशत ब्याजरदमा ऋण लिन सक्ने पौडेलले बताए । सहकारीले मासिक, नियमित, दैनिक, स्वैच्छिक, आमा मिलन स्पेशल, क्रमिक आवधिक बचत गरी ६ किसिमको बचत व्यवस्था गरेको पौडेलको भनाई छ । 
बचतकर्ताले व्यापार तथा घर आवास कर्जामा १६ देखि १८, कृषि कर्जामा १४, शेयर धन जमानत कर्जामा १८, युवा तथा साना व्यवसायी स्वरोजगार कोष अन्तरगत कर्जा सुविधामा १० र अन्य सुविधाहरुमा ५ प्रतिशत सहकारीले ऋण लगानीको किसिम र व्याजदर कायम गरेको छ । 
अन्य सुविधाहरुमा जेक्ष्ठ शेयर सदस्य सम्मान तथा भत्ता वितरण, एकल महिला भत्ता वितरण, असल ऋणि सम्मान तथा उत्कृष्ठ बचत कारोबारको सम्मान, भूभू संचालक सम्मान, सुत्केरी भेटघाट भत्ता, काज किरिया भेटी, प्रमाणपत्र तहदेखि पीएचडी उत्तीर्ण विद्यार्थी सम्मान तथा पुरस्कार वितरण गरिने सहकारीको प्रतिवेदनमा उल्लेख छ ।

प्रवन्धक निर्देशक पौडेलले ३६५ दिननै सेवाग्राहीले सेवा लिन पाउने सहकारीको विशेष पक्ष रहेको उल्लेख गरे । 
‘संस्था आठौं वर्ष प्रवेशसँगै आफ्नो भवनबाट कारोबार संचालन गर्नु भनेको संपूर्ण शेयर सदस्य, शुभचिन्तक एवं पत्रकारहरुको सहयोग र देनबाट सफल भएका हौ,’ प्रवन्ध निर्देशक पौडेलले भने । 
कार्यक्रममा संस्थाका कोषाध्यक्ष गोविन्द तुलाचन, संचालक नरबहादुर गुरुङ, टिकाराम पौडेललगायतको सहभागिता थियो । 

प्रतिकृया दिनुहोस

आफ्नै भवनबाट, आमा मिलन सहकारीको कारोबार :

पोखरा ४ फागुन । प्रदेश नं ५ मा आयोजना हुने आठौं राष्ट्रिय खेलकुदका लागि गण्डकी प्रदेश स्तरिय छनोट प्रतियोगिता दोश्रो दिन पनि जारी रहेको आयोजक

आफ्नै भवनबाट, आमा मिलन सहकारीको कारोबार :

पोखरा, ४ फागुन । कम्प्युटर एसोसिएसन नेपाल (क्यान) महासंघ कास्की शाखाले ‘भायानेट क्यान इन्फोटेक–२०१९ इन एसोसिएसन विथ आइ.एम.ई पे’को तयारीलाई तिब्र

आफ्नै भवनबाट, आमा मिलन सहकारीको कारोबार :

प्रेम दिवस बिशेस #ValentineSpecial  शिब सतिको प्रेम एक जन्म मात्र होइन अर्को जन्म सम्म निरन्तर जुगौ जुगु बाचेको छ शिब पार्वती को स्वरुपमा।  आफ्नो प्रेमी को